Walang pasok dahil sa supertyphoon Yolanda. Signal #2 sa Metro Manila. Wala namang ulan.
Gayunpaman, thankful ako dahil nakapagpahinga ako. Nakapagsulat din ako ng kuwento. In fact, natapos ko ang part 2 ng "Si Sir Gallego". Whooah! Naiyak ako sa sarili kong akda. Tiyak ako magugustuhan uli ito ng Section 1. Sila nga ang inspirasyon ko kaya ko nagawan agad ng part 2 ang una kong akda.
Habang may mga nais makinig at magbasa ng mga akda ko, patuloy akong magsusulat.
Sabi nga ni Aila, bakit daw hindi ko i-publish ang mga kuwento ko. Nagpaplano nga ako pero di ko alam kung paano ko sisimulan. Sinimulan ko kagabi ang pag-alam kung paano sumali sa Carlos Palanca Memorial Awards for Literature. At, kanina, nakuha ko ang mga impormasyong kailangan ko. Kaya, sa mga susunod na araw ay maghahanda na ako ng ipapasa kong artikulo.
..tungkol sa buhay ng simpleng tao na may payak na pangarap, ngunit may kumplikadong buhay na pinatatatag ng mga masasalimuot at magagandang pangyayari at karanasan..
Walang komento:
Mag-post ng isang Komento