Kagabi pa lang naisip ko nang um-absent sa klase ngayon. Kaya kanina habang nilalamig ako sa ilalim ng kumot ay nagdesisyon akong lumiban sa klase. Nakakatamad kasi. Saka, parang kulang ako lagi sa tulog. Gusto kong magpahinga buong araw para makabawi sa ilang linggong puyat at pagod. Ayoko rin namangnabusuhin ang katawan ko dahil ako at ang mga anak ko lang naman ang kawawa.
Gayunpaman, kahit absent ako, hindi pa rin naman pahinga dahil gumawa ako ng household chores. Di rin naman maasahan ang kasama ko sa bahay. Wala rin siyang pasok ngayon pero di ko man lang mautusan o di man lang magkusa.
Nagbanlaw ako ng binabad ko kagabi. At, nagbabad uli ng makapal at mabigat na blanket. Hay, bakit pa kasi kailangang maglaba.
Mabilis ko namang natapos ang mga gawain. Nakanoid pa nga ako ng telebisyon, nakapag-internet. Nakapagsulat ng Part 3 ng "Sir Gallego" at nakapagbasa ng Stainless Longganisa ni Bob Ong. Nakaidlip din ako after lunch. Tapos, basa uli hanggang matapos ko ang libro. Sayang iniwan sa school ang apat na bago kong bili. Magsusulat na lang ako nito magdamag at mag-i-fb.
..tungkol sa buhay ng simpleng tao na may payak na pangarap, ngunit may kumplikadong buhay na pinatatatag ng mga masasalimuot at magagandang pangyayari at karanasan..
Walang komento:
Mag-post ng isang Komento