DUNGIS
Lahat tayo ay marungis,
Kaya wag magmamalinis
Diyos, di natin kawangis
Siya'y walang bahid dungis.
Lahat tayo'y may kapintasan
Isipan ay tigib ng kasamaan
Idagdag pa ang gawaing iyan--
Mamuna at ang iba'y tingnan.
Dungis mo nga'y tanggalin
Bago ang sa iba ay punahin
Kung siya'y baluktot, 'kaw rin
Mali ang inyong mga gawain.
Pagpuna ay di naman masama
Gawin lang para mali ay itama
Wag upang problema'y lumala
At wag mahamak ang maysala.
Pisngi man niya ay may uling
Salarin, siya'y wag ituturing
Pagbabago niya ay darating
Dungis niya ay bubusilak din.
..tungkol sa buhay ng simpleng tao na may payak na pangarap, ngunit may kumplikadong buhay na pinatatatag ng mga masasalimuot at magagandang pangyayari at karanasan..
Walang komento:
Mag-post ng isang Komento